காலை நகரின் மத்தியிலிருந்து புறப்பட்ட இப்பேரணி ஜுரிச் ஏரியின் கரையில் உள்ள புர்க்லிபிளாட்ஸில் நிறைவு பெற்றது.

மத்திய தொழிற்சங்கத்தின் தலைவரும் பாராளுமன்ற உறுப்பினருமான பால் ரெக்ஸ்டீனர் ஒரு தொழிலில் பங்குதாரர் மட்டுமின்று உழைப்பாளரும், இலாபம் அடையும் வகையில் பொருளாதார மேம்பாட்டை அனைவரும் பகிர்ந்து கொள்ளும்படி சம்பள விகிதக் கொள்கை ஒன்றைத் தேசிய அளவில் உருவாக்க வேண்டும் என்றார்.

இவரது பேச்சைத் தொடர்ந்து எகிப்தின் தொழிற்சங்கத் தலைவரான கமால் அப்பாஸ் உரை நிகழ்த்தினார். இவரது உரைக்குக் கூட்டம் பெரும் வரவேற்பு அளித்தது.

உழைப்பாளர் ஒன்று கூட வேண்டும் என்றும் எகிப்தில் உழைப்பாளர்கள் தங்கள் அச்சத்திலிருந்து வெளியே வருவதற்கு முன்பு அறுபதாண்டு காலம் பல்வேறு கொடுமைகளை சகித்துக் கொண்டு இருந்தனர் என்றார்.

நாம் வேலைக்கான உரிமை, சம சம்பளம், மனித நேய வாழ்க்கை மற்றும் நீதிக்காகப் போராடுகிறோம். இதற்கு நம் மீது அதிகாரம் செலுத்துவோரையும் நம் உழைப்பைச் சுரண்டும் அமைப்பை எதிர்க்கிறோம். நமது கடும் உழைப்பால் கொள்ளை இலாபம் ஈட்டும் பன்னாட்டுப் பணமுதலைகளையும் எதிர்க்கிறோம் என்றார்.